早前英航宣布，由今年11月起关闭香港基地，85名空中服务员被解雇。
此举亦都意味住，之后未必会有讲广东话嘅空姐空少，
喺英航来回香港航班上服务各位。
有位曾经做过空中服务员嘅网友Timothy，
最近坐英航班机返香港，
喺机上录低空中服务员嘅乘客广播，而内容同平时有所不同。
根据录音，该名发表感言嘅机组人员，
首先感谢乘客对香港机舱服务员一直以来嘅支持，
仲讲咗英航香港基地历史背景。
其后，机组人员指喺9月底英航于录得巨额盈利情况下，
以营运成本为由解散香港基地，将多年来的历史同贡献一抹而空。
虽然要带着沉重心情，但系仍然以专业、认真、安全至上嘅精神为乘客服务。
𠮶程机，系发言机组人员同佢嘅同事，最后一次喺香港来回伦敦航班上服务，
讲到呢度听到佢有啲哽咽。
佢又话，10月31日之后，同一班机上唔会再有香港机舱服务员执勤。
听到既感动又无奈。虽然唔系间间航空公司都有本港机舱服务员，
但话晒都系来回英国同香港……
心情，点都复杂啲。
