早前英航宣布，由今年11月起關閉香港基地，85名空中服務員被解僱。
此舉亦都意味住，之後未必會有講廣東話嘅空姐空少，
喺英航來回香港航班上服務各位。
有位曾經做過空中服務員嘅網友Timothy，
最近坐英航班機返香港，
喺機上錄低空中服務員嘅乘客廣播，而內容同平時有所不同。
根據錄音，該名發表感言嘅機組人員，
首先感謝乘客對香港機艙服務員一直以來嘅支持，
仲講咗英航香港基地歷史背景。
其後，機組人員指喺9月底英航於錄得巨額盈利情況下，
以營運成本為由解散香港基地，將多年來的歷史同貢獻一抹而空。
雖然要帶著沉重心情，但係仍然以專業、認真、安全至上嘅精神為乘客服務。
嗰程機，係發言機組人員同佢嘅同事，最後一次喺香港來回倫敦航班上服務，
講到呢度聽到佢有啲哽咽。
佢又話，10月31日之後，同一班機上唔會再有香港機艙服務員執勤。
聽到既感動又無奈。雖然唔係間間航空公司都有本港機艙服務員，
但話晒都係來回英國同香港……
心情，點都複雜啲。
- 文章链接：https://www.hkinsu.com/about-hongkong/13334.html
- 文章标题：英航撤出香港 空中服务员机上广播真情告别
- 本文由香港保险公司代理人或者经纪人发布，不代表网站观点与立场，如需转载，请添加文章链接。
- 想要咨询香港保险、香港理财、香港银行开户，请按页面上的联系方式与我们取得联系